دنیاکے حساس ترین خفیہ راز

دنیاکے حساس ترین خفیہ راز

دنیاکے حساس ترین خفیہ راز ہم بہت سی معلومات حاصل کرنے کے لیے کوشاں رہتے ہیں اور اس میں اکثر کامیاب بھی ہوجاتے ہیں- لیکن دنیا کے چند راز ایسے بھی ہیں کہ اگر ہم ان کی حقیقت سے واقف ہوجائیں تو ہماری جان کو خطرہ بھی ہوسکتا ہے آج ایسےکچھ حساس ترین خفیہ رازوں کے بارے اپنے دلچسپ معلومات پیج کے دوستوں کو بتاتے ہیں۔ U.S. Nuclear Secrets امریکہ کا نیوکلئیر پروگرام دنیا کا سب سے بڑا راز ہے- دنیا کے چند مخصوص افراد ہی اس بات سے واقف ہیں کہ امریکہ کا نیوکلئیر پلانٹ کہاں واقع ہے؟ امریکی حکومت ہمیشہ اپنی خفیہ دستاویز میں ایٹمی معلومات سے متعلق صرف کوڈ کا استعمال کرتی ہے اور ان کوڈ تک رسائی صرف امریکی محکمہ دفاع کے اعلیٰ حکام کو حاصل ہوتی ہے- آج تک امریکی حکومت نے عوام کو اپنے ایٹمی ہتھیاروں کی تعداد اور ان کی اقسام سے متعلق آگاہ نہیں کیا- Oil deposits location in USA امریکی حکومت نے اپنی تیل کے ذخائر کو بھی ہمیشہ سے ایک راز رکھا ہے اور کوئی ان ذخائر کے مقام سے واقف نہیں- ایک افواہ یہ ہے کہ اگر کسی امریکی کی زمین سے تیل دریافت ہوا ہے تو امریکی حکومت اس سے وہ زمین خرید لے گی اور آپ سے اس مقام کو خفیہ رکھنے کے حوالے سے ایک معاہدہ بھی کرے گی- انہیں خفیہ رکھنے کی ایک وجہ یہ بھی بیان کی جاتی ہے کہ امریکی حکومت اس لیے خفیہ رکھتی ہے کہ تیل دریافت ہونے والے مقامات کو امیر افراد نہ خرید لیں اور وہ ان مقامات پر اپنے کنویں بنا کر مزید دولت کمائیں- Adolf Hitler تاریخ بتاتی ہے کہ 30 اپریل 1945 کو ہٹلر نے اپنے زیرِ زمین بنکر میں خودکشی کر لی تھی- کیا یہ واقعی حقیقت ہے؟ یا پھر دنیا کو جھوٹ بتایا گیا ہے؟ ایف بی آئی کی شائع کی جانے والی دستاویز میں اس بات کے ثبوت موجود ہیں کہ ہٹلر جنگِ عظیم دوئم کے بعد بھی زندہ تھا اور Andes کی پہاڑیوں میں رہائش پذیر تھا- ان دستاویز واضح طور پر ہٹلر کی خودکشی کو ایک ڈرامہ دکھایا گیا ہے- سب سے زیادہ چونکا دینے والی بات یہ ہے کہ ایف بی آئی اس حقیقت سے واقف تھی لیکن انہوں نے پھر بھی اسے راز کیوں رکھا؟ U.S Medical Secrets امریکہ کے قوانین کے مطابق کسی بھی مریض کی طبی معلومات ظاہر نہیں کی جاسکتی اور یہ معلومات ہمیشہ راز ہی رہتی ہے- یہاں تک کہ یہ بھی کہا جاتا ہے کئی امریکی ڈاکٹروں کی جان ان معلومات کو راز رکھنے کی وجہ سے خطرے میں بھی ہوتی ہے- اس قانون کا مقصد مریضوں کو کسی قسم کی تذلیل یا پریشانی سے بچانا ہے- اور مریضوں کی طبی معلومات کو خفیہ رکھنے کے حوالے سے امریکہ میں میڈیکل آفیسرز سے باقاعدہ حلف لیا جاتا- مریضوں کی میڈیکل فائل بھی صرف قانونی کاروائی کے بعد ہی متعلقہ حکام کے حوالے کی جاتی ہے- The Hapsburg Napkin Fold Hapsburg نیپکن کی فولڈنگ کا انداز آسٹریا کا ایک بہت بڑا راز ہے- یقیناً یہ بات سننے میں انتہائی مضحکہ خیز معلوم ہوتی ہے لیکن یہ حقیقت ہے کہ آسٹریا میں نیپکن کی فولڈنگ کا یہ مخصوص انداز ایک راز ہے اور یہ انداز وہاں کے شاہی خاندان سے تعلق رکھتا ہے- دلچسپ بات یہ ہے کہ کئی لوگوں نے نیپکن کو اس انداز میں فولڈ کرنے کی کوشش کی لیکن سب ناکام رہے کیونکہ اس سلسلے میں کوئی رہنما اصول موجود نہیں- اور اس طریقہ کار سے صرف ریاست کے انتہائی اعلیٰ حکام ہی واقف ہیں- یہاں تک کہ جو یہ نیپکن فولڈ کرنا جانتے ہیں ان سے حلف لیا گیا ہے کہ وہ اس راز سے کبھی پردہ نہیں اٹھائیں گے- KFC Recipe کوئی نہیں جانتا کہ مشہور فاسٹ فوڈ ریسٹورنٹ کے ایف سی کھانے تیار کرنے کے لیے کونسی ترکیب استعمال کرتا ہے- کے ایف سی کی خفیہ ریسیپی 1930 میں Kentucky کے Herland Sanders نے تیار کی تھی- ہرلینڈ مشہور چکن ڈش نارتھ کیبن کے رہائشیوں کو فروخت کرتا تھا جو انتہائی مزیدار ہوتی تھی اور ہر کوئی اس کے ذائقے کے بارے میں بات کرتا تھا- ہرلینڈ کا کاروبار چل پڑا اور پوری دنیا میں پھیل گیا- آج دنیا اسے کے ایف سی کے نام سے جانتی ہے جو کہ دنیا کے بڑے ریسٹورنٹ میں سے ایک ہے- شاید ہرلینڈ کی کامیابی کا سہرا اسی خفیہ ریسیپی کے سر ہے- HIV/AIDS 1980 سے ایچ آئی وی یا ایڈز کی شروعات پر بحث کی جارہی ہے اور اس پر مختلف نظریات پیش کیے گئے ہیں- اکثر لوگوں کے نزدیک یہ بیماری افریقہ سے پھیلی تھی لیکن کیا یہ واقعی صحیح ہے؟ متعدد لوگ ایسے بھی ہے جن کا یہ ماننا ہے کہ ایڈز کا وائرس سائنسدانوں نے اپنی لیبارٹری میں تیا ر کیا تھا اور ان کے نزدیک یہ انسانوں کا تیار کردہ اور پھیلایا ہوا وائرس ہے- لیکن اس بیماری کی اصل حقیقت بھی دنیا کے بڑے رازوں میں سے ایک راز ہے- Coca Cola Formula کوکا کولا کیسے تیار کی جاتی ہے؟ یہ بھی دنیا کا ایک بہت بڑا راز ہے- آپ اس راز کی اہمیت کا اندازہ اس واقعے سے باآسانی لگا سکتے ہیں کہ کوکا کولا کمپنی ایک مرتبہ اپنا بھارت کا دورہ صرف اس لیے منسوخ کرچکی ہے کہ بھارتی حکومت کوکا کولا کمپنی پر ان اجزاﺀ کی معلومات مہیا کرنے پر دباؤ ڈال رہی تھی جو اس مشروب کی تیاری میں استعمال کیے جاتے ہیں- اس فارمولے کے بارے میں صرف چند لوگ ہی جانتے ہیں اور ایک وقت میں صرف دو لوگ ہی کوکا کولا کی تیاری میں استعمال ہونے والے اجزاﺀ سے واقف ہوتے ہیں اور ان سے بھی باقاعدہ اس راز کو راز رکھنے کے لیے حلف لیا جاتا ہے-

مکمل تحریر >>>

جیلی فش

جیلی فش
1988ء میں انسان نے سمندر کے تہہ میں ہی ابدی زندگی کا وجود رکھنے والے ایک جاندار کو دریافت کر لیا جیسے جیلی فش کہتے ہیں۔یہ دریافت بیسویں صدی میں ایک عیسائی جرمن سمندری حیاتیات کے طالب علم نے نادانستہ طور پر تلاش کی۔

جیلی فش کی کچھ ایسی اقسام ہیں جن کوبیالوجی کی حد تک لافانی ہونے کی تصدیق کی جا چکی ہے، جو کہ زخمی حالت یا مرنے سے قبل اپنے خلیات کو پہلے کی حالت میں لانے کے قابل بنا کے خود کو دوبارہ زندہ کر لیتی ہے. اس کا یہ بھی مطلب ہے کہ یہ چار سے پانچ ملی میٹر کا جاندار ممکنہ طور پر لامحدود زندگی رکھتا ہے.اس جاندار کا سائنسی نام ٹیوریٹوپسس نیٹریکیولاہے اور یہ پہلی بار 1883ء میں بحیرہ روم کے سمندر میں دریافت کئے گئے تھے، لیکن ان کی دوبارہ سے جنم لینے کی انوکھی خوبی 1990ء کے وسط صدی تک کسی کو علم نہیں تھا۔

تحقیق کے مطابق زندگی کو سائیکل کرنے میں ہائیڈرزون کا انحصار چھوٹے فقاری کی موجودہ عمر پر منحصر ہے چاہے وہ جیلی فش کا دوبارہ سے جوان ہونا ہو یا نرم مرجان کا دوبارہ تروتازہ ہونا. سائنس دانوں نے سمندر کی تہوں میں ہائیڈروزون کی تلاش میں پلینکٹن جال سے چھان مارا اور حیاتیات کی نئی سینکڑوں چھوٹے نسبتاً گمنام جاندار ڈھونڈ نکالے جو کہ اب بیالوجی میں جیلی فش اور ڈوھری کے نام سے جانے جاتے ہیں.ان حیاتیاتی نمونوں کا مشاہدہ کرنے پر ایک حیران کن بات پتہ چلی کہ جیلی فش مرتی نہیں۔

تحقیق سے پتہ چلا ہے کہ اگر ایک ٹیوریٹوپسس ( جیلی فش ) کسی حادثے کا شکار ہو جائے یا بھوک سے کمزور ہو جائے تو یہ سمندری ریت میں خود کو لپیٹ لیتا ہے اور ایک بلاب کی شکل میں خود کو ڈھال لیتا ہے، اس کے بعد یہ ایک تعامل کرتا ہے جسے سائنسی زبان میں سیلز انڈر گو ٹرانسڈیفرینیشن کا نام دیا گیا ہے جس میں خلیات کی ایک اقسام بنیادی طور پر خلیات کی دوسری اقسام میں تبدیل ہو جاتی ہیں.

اعضاء کے خلیات مادہ منویہ یا انڈوں میں تبدیل ہو جاتے ہیں یا پھر اعصابی خلیے اعضاء کے خلیوں میں تبدیل ہو جاتے ہیں ۔کسی بھی جاندار میں اس طرح سے خلیات کی تبدیلی کا بلاشبہ یہ ایک بیمثال طریقہ ہے.‘‘انواع کی اصل’’ سے اقتباس جو 1996ء میں شائع ہوئی۔ جاپان، سپین اور بحر اوقیانوس میں پانامہ کی طرف جیلی فش کی دریافت کے سے پتہ چلا ہے کہ جینیاتی طور پر تمام جیلی فش اپنے اصل مسکن جیسی ہی ہیں.

محققین نے تحقیق سے یہ نتیجہ اخذ کیا ہے کہ پانی میں فوجی مشقوں سے کئے گئے دھماکوں سے، کارگو جہاز میں لگے پانی کے پمپس میں پانی کے کھنچاؤ سے لگنے والی ضرب سے زخمی ہوتی ہیں.جیلی فش ماحول کے مطابق خود کو ڈھالنے کی خوبی بھی رکھتی ہیں مثال کے طور پہ معتدل علاقوں میں رہنے والی جیلی فش میں 24 ٹینٹاکلز یا اس سے کچھ زیادہ ہیں اور گہرے پانیوں میں رہنے والی جیلی فش میں 8 ٹینٹاکلز ہیں.لیکن جیلی فش مناسب حالات نہ ہونے کی بنا پر شکار بھی ہو سکتی ہیں اور شکار یا بیمار ہوتی بھی ہیں اور مر بھی جاتی ہیں.

جدید تحقیق بتاتی ہے جس طرح ‘‘بریڈ پٹ’’ کی ایک فلم میں جیلی فش کا کردار خود کو بڑھاپے سے واپس بچہ بنا لیتا ہے اور امر ہو جاتا ہے لیکن اصل زندگی میں جیلی فش اس کردار سے دو ہاتھ آگے ہے کیونکہ وہ یہی عمر کو بڑھاپے سے جوانی اور جوانی سے بڑھاپے کے عمل ایک بار نہیں بلکہ بار بار لگاتار تبدیل کرتا ہی رہتا ہے.سائنسدانوں نے جیلی فش کو دنیا کا واحد معلوم امر رہنے والا جاندار قرار دیا ہے. اسی طرح انسانی عمر میں اضافے، بیماری یا دوسرے خلیاتی مسائل کے حل کے لئے جیلی فش پر تحقیقی مطالعہ جاری ہے۔ ( دنیا نیوز کے آرٹیکل سے ماخوذ)

مکمل تحریر >>>

ڈومز ڈے تھیوری

ڈومز ڈے تھیوری

ڈومز ڈے تھیوری آج اپنے دلچسپ معلومات پیج کے دوستوں کو ڈومز ڈے تھیوری کی حقیقت کے بارے میں کچھ بتاتے ہیں۔ ڈومز ڈے تھیوری کے مطابق دنیا21 دسمبر 2012 میں ختم ہوجانی تھی۔ اس تھیوری کے حقیقی ہونے سے متعلق کسی معروف اسکالر یا ماہر نے تائید بھی نہیں کی تھی۔ تاہم دنیا میں ایسے افراد اب بھی موجود ہیں جو اس تھیوری کو حقیقی جانتے ہیں۔کہ اس کی تاریخ کے تعین میں کچھ غلطی ہوئی ہے اور اب ایک نئی تاریخ یعنی 1 جنوری 2017ء دے دی گئی ہے کہ اس دن دنیا ختم ہوجائی گی ۔ان افراد کا کہنا ہے کہ 2017 میں مایان کیلنڈر کے مطابق دنیا کا خاتمہ ہو جائے گا۔ اس افواہ کا ماخذ پانچ ہزار سالہ قدیم تہذیب مایائی تہذیب ہے ۔ مایائی تہذیب کو ترقی یافتہ دور و تہذیب کا درجہ دیا جاتا ہے۔یہ تہذیب پانچ ہزار سال پہلے جنوبی امریکہ وسطی امریکہ اور موجودہ میکسیکو میں پھلی پھولی۔مایائی تہذیب کا راج1300قبل از مسیح سے300 تک کے درمیانی عرصہ میں تھا۔مایائی لوگ و تہذیب پانچ لاکھ مربع کلومیٹر پر پھیلے ہوئے تھے۔یہ توہم پرست لوگ تھے کیونکہ وہ سورج ،زمین ،بارش ،آگ و پانی کو دیوتا کا درجہ دیتے تھے۔ یہ مایائی مفکرین تھے جنہوں نے سال کو کچھ دنوں کے فرق سے365 دنوں میں تقسیم کیا تھا۔یوں یہ اندازہ کیا جاسکتا ہے کہ ان لوگوں کا فلکیاتی علم اور تخیل کافی وسیع الخیال تھا۔وہ سورج چاند کی گردش پر سیر حاصل معلومات رکھتے تھے۔مایائی تہذیب کے وارث آج بھی جزیرہ نمائے یوکاٹن پر موجود ہیں۔اسی دور سے منسلک ایک کیلنڈر سے تباہی و بربادی کے نتائج اخذ کئے گئے۔یاد رہے کہ مایان تہذیب کے کیلنڈر میں2012 کا آخری مہینہ دسمبر صرف اکیس دنوں پر مشتمل ہے یعنی کیلنڈر میں اکیس دسمبر کے بعد بقیہ دنوں کی کوئی تاریخ موجود نہیں۔ لیکن اب اس کے حوالے سے ایک نئی تاریخ دے دی گئی ہے۔ یعنی 1 جنوری 2017ء۔ اگر آپ میری رائے پوچھیں تو یہ بالکل بے بنیاد ہے۔ اس کا حقیقت سے کوئی تعلق نہیں۔ کیونکہ ہمارے جان سے پیارے نبی علیہ السلام نے قیامت کی نشانیاں بیان کی ہیں۔جن میں سے بہت سی نشانیاں علامات صغری (یعنی چھوٹی نشانیاں ) ہیں اور کچھ علامات کبریٰ (بڑی نشانیاں ) ہیں۔ علامات صغری میں سے تو بہت ساری وقوع پذیر ہوچکی ہیں ۔ جبکہ علامات کبری کا ظہور ابھی باقی ہے۔ ان میں سے کچھ مختصراً یہ ہیں ۔ ١. حضور انور صلی اللّٰہ علیہ وسلم کا اس دارِ فانی سے پردہ فرمانا، ٢. بیت المقدس کا فتح ہونا، ٣. ایک عام وبا طاعون کا ہونا( یہ دو نشانیاں حضرت عمر رضی اللّٰہ عنہ کے زمانے میں پوری ہوئی)، ٤. مال کا زیادہ ہونا( یہ حضرت عثمان رضی اللّٰہ عنہ کے زمانے میں ہوا)، ٥. ایک فتنہ جو عرب کے گھر گھر میں داخل ہو گا(یہ شہادتِ عثمان رضی اللّٰہ عنہ کا سبب تھا)، ٦. مسلمانوں اور نصاریٰ میں صلح ہو گی، پھر نصاریٰ غدر کریں گے، ٧. علم اٹھ جائے گا جہل بڑھ جائے گا، ٨. زنا اور شراب خوری کی بہت ہی کثرت ہو گی، ٩. عورتیں زیادہ اور مرد کم ہوں گے ١٠. جھوٹ بولنا کثرت سے ہو گا، ١١. بڑے بڑے کام نااہلوں کے سپرد ہوں گے، بےعلم اور کم علم لوگ پیشوا بن جائیں گے، کم درجہ کے لوگ بڑی بڑی اونچی عمارتیں بنائیں گے، ١٢. لوگ مصیبتوں کی وجہ سے موت کی آرزو کریں گے، ١٣. سردار لوگ مالِ غنیمت کو اپنا حصہ سمجھیں گے، ١٤. امانت میں خیانت بڑھ جائے گی، ١٥. زکوة دینے کو جرمانہ سمجھیں گے، ١٦. علم دنیا حاصل کرنے کے لئے پڑھیں گے، ١٧. لوگ اپنے ماں باپ کی نافرمانی اور ان پر سختیاں کریں گے، ١٨. مرد عورت کا فرنمابردار اور ماں باپ کا نافرمان ہو گا اور دوست کو نزدیک اور باپ کو دور کرے گا، ١٩. مسجدوں میں لوگ شور کریں گے، ٢٠. فاسق لوگ قوم کےسردار ہوں گے اور رذیل لوگ قوم کے ضامن ہوں گے، ٢١. بدی کے خوف سے شریر آدمی کی تعظیم کی جائے گی، ٢٢. باجےعلانیہ ہوں گے، گانے بجانے اور ناچ رنگ کی زیادتی ہو جائےگی، ٢٣. امت کے پچھلے لوگ پہلے بزرگوں پر لعنت کریں گے، ٢٤. سرخ آندھی، ٢٥. زلزلے، ٢٦. زمین میں دھنسنا، ٢٧. صورتیں بدل جانا، ٢٨. پتھر برسنا وغیرہ دیگر علامات ظاہر ہوں گی اور اس طرح پے درپےآئیں گی، جس طرح دھاگا ٹوٹ کر تسبیح کے دانے گرتے ہیں۔ مختصر یہ کہ اچھے کام اٹھتے جائیں گے اور برے کاموں اور گناہوں کی کثرت ہوتی جائے گی، ٢٩. نصاریٰ تمام ملکوں پر چھا جائیں گے، ٣٠. مسلمانوں میں بڑی ہل چل مچ جائے گی اور گبھرا کر حضرت امام مہدی علیہ السلام کی تلاش میں مدینہ منورہ میں آئیں گے اور امام مہدی علیہ السلام مکہ چلے جائیں گے۔ بعض اور علامات بھی ہوں گی مثلاً ٣١. درندے جانور آدمی سے کلام کریں گے، ٣٢. کوڑے پر ڈالی ہوئی جوتی کا تسمہ کلام کرے گا اور آدمی کو اس کے گھر کے بھید بتائے گا۔ بلکہ خود انسان کی ران اُسے خبر دے گی، ٣٣. وقت میں برکت نہ ہو گی، سال مہینے کی مانند اور مہینہ ہفتہ کی اور ہفتہ دن کی مانند ہو گا اور دن ایسا ہو جائے گا جیسا کہ کسی چیز کو آگ لگی اور جلدی بھڑک کر ختم ہو گئی، ٣٤. ملک عرب میں کھیتی اور باغ اور نہریں ہو جائیں گی، مال کی کثرت ہو گی، ٣٥. نہر فرات اپنے خزانے کھول دے گی کہ وہ سونے کے پہاڑ ہوں گے، ٣٦. اس وقت تک تیس بڑے دجال ہوں گے وہ سب نبوت کا دعویٰ کریں گے حالانکہ نبوت حضور انور صلی اللّٰہ علیہ وسلم پر ختم ہو چکی ہے، ان میں سے بعض گزر چکےہیں مثلاً مسیلمہ کذاب، طلحہ بن خولید، اسودعنسی، سجاح عورت جو کہ بعد میں اسلام لے آئی وغیرہم اور جو باقی ہیں ضرور ہوں گے اور بھی بہت سی علامات حدیثوں میں آئی ہیں ۔ جیسے مدینہ کی ویرانی ۔ خانہ کعبہ کو ڈھانے جیسے دلخراش واقعات بھی وقوع پذیر ہوں گے۔ اسی طرح بڑی نشانیوں میں امام مہدی و عیسی علیہ السلام کا ظہور۔ دجال و یاجوج ماجوج کا خروج اور دبۃالارض کا ظاہر ہونا وغیرہ بھی شامل ہے۔اب ان میں سے ہر نشانی کی اپنی تفصیل ہے ۔ ان نشانیوںمیں سے علامات صغری میں سے بہت کچھ وقوع پذیر ہوچکا ہے جبکہ بڑی بڑی نشانیوں کا ظہور ابھی باقی ہے۔ میں نے بعض اسلامی کتب میں کچھ علماء کے اقوال پڑھے ہیں۔ ان لوگوں نے علم ریاضی ' قرآن کی قیامت والی آیات اور قیامت والی احادیث سے کچھ حساب لگایا ہے۔ ویسے بھی قرآن میں ہر بات کا علم موجود ہے ۔ لیکن غور خوض کرنے کی ضرورت ہے ۔ بہرحال ان کے حساب کے مطابق 1900 ہجری میں حضرت امام مہدی رضی اللہ عنہ کی پیدائش ہوگی اور وہ 63 برس دنیا میں رہیں گے اور حضرت عیسی علیہ السلام بھی ان کی زندگی میں ہی آسمان سے تشریف لائیں گے۔ اور وہ بھی 40 سال اس دنیا میں زندہ رہ کر نبی اکرم صلی اللہ علیہ وسلم کے روضہ میں مدفون ہوں گے ۔ اس کے بعد قیامت بالکل قریب ہوگی۔ یعنی اس حساب کے مطابق ابھی 1436 سن ہجری چل رہا ہے۔ اس حساب سے تقریبا 464 سال بعد حضرت امام مہدی رضی اللہ عنہ دنیا میں تشریف لائیں گے۔ اور اس کے بعد 63 سالہ ان کی زندگی ۔ اور پھر کچھ علامات قیامت کا ظہور ہوگا۔ اور پھر کہیں جاکر قیامت قائم ہوگی۔(واللہ تعالی اعلم)۔جب کہ حدیث میں یہ بھی موجود ہے کہ لوگ قیامت کے ذکر سے بالکل غافل ہو چکے ہوں گے۔ تب قیامت قائم کردی جائے گی۔ بہرحال میرے خیال میں قیامت میں ابھی تقریبا 600سال سے زائد عرصہ باقی ہے۔( میرا یہ صرف اندازہ ہے اصل حقیقت اور تاریخ اللہ ہی بہتر جانتا ہے) اور بحثیت مسلمان اس ڈومز ڈے تھیوری میں کوئی سچائی نہیں ۔اور قیامت کی صیحح تاریخ اللہ کے سوا کسی کو معلوم نہیں۔بعض علماء نے لکھا ہے کہ نبی اکرم ﷺ کو قیامت کی تاریخ بھی بتا دی گئی تھی ۔جیسے 10 محرم جمعہ کا دن اور مہینہ بتا دیا گیا تھا۔ لیکن اللہ تعالی نے ان کو عام لوگوں کو بتانے سے منع فرما دیا تھا۔ کہ یہ اسرار الہی میں سے ایک راز ہے۔بے شک اللہ ہی کے سارے علم کے خزانے ہیں جس کو جتنا عطاء کرے۔ کہ عقل والوں کے لئے اس میں بہت سے نشانیاں ہیں۔ واللہ تعالی اعلم

مکمل تحریر >>>

مایا تہذیب

مایا تہذیب

مایا تہذیب مایا تہذیب (Maya civilization) ایک قدیم میسوامریکی تہذیب ہے جو شمال وسطی امریکہ میں پھیلی ہوئی تھی۔ اس علاقے میں آجکل میکسیکو، ہونڈوراس، بیلیز اور گوئٹے مالا کی ریاستیں موجود ہیں۔مایائی تہذیب کو ترقی یافتہ دور و تہذیب کا درجہ دیا جاتا ہے۔۔مایائی تہذیب کا راج1300قبل از مسیح سے300 تک کے درمیانی عرصہ میں تھا۔مایائی لوگ و تہذیب پانچ لاکھ مربع کلومیٹر پر پھیلے ہوئے تھے۔یہ توہم پرست لوگ تھے کیونکہ وہ سورج ،زمین ،بارش ،اگ و پانی کو دیوتا کا درجہ دیتے تھے۔ یہ مایائی مفکرین تھے جنہوں نے سال کو کچھ دنوں کے فرق سے365 دنوں میں تقسیم کیا تھا۔یوں یہ اندازہ کیا جاسکتا ہے کہ ان لوگوں کا فلکیاتی علم اور تخیل کتنا نفیس بابصیرت اور وسیع الخیال تھا۔وہ سورج چاند کی گردش پر سیر حاصل معلومات رکھتے تھے۔مایائی تہذیب کے وارث آج بھی جزیرہ نمائے یوکاٹن پر موجود ہیں۔ اس دوران انہوں نے بڑے علاقوں میں شہری تعمیرات کی۔ اسی دور میں انہوں نے یادگاری تحریریں چھوڑیں اور اسی دور میں انہوں نے اپنی تہذیب اور تمدن کو باقاعدہ ریکارڈ کیا۔ مایا تہذیب میسو امیریکن کی دیگر اقوام سے یوں ممتاز تھی کہ انہوں نے بہت پہلے لکھنا سیکھ لیا تھا۔ ان کا اپنا طرز تحریر تھا۔ اس کے علاوہ ریاضی میں بھی ان کی ترقی حیرت انگیز تھی نہ صرف یہ کہ انہوں نے نمبروں کو لکھنا سیکھ لیا تھا بلکہ یہ صفر کے استعمال سے بھی واقف تھے۔ فلکیات، طبیعیات، جراحت اور ذراعت میں ان کی ترقی حیران کن تھی۔ ان کی تہذیبی اور ثقافتی برتری نے اردگرد کی دیگراقوام کو بھی متاثر کیا، یہ سلسلہ یونہی چلتا رہا حتی کہ ہسپانوی نوآبادکار ان علاقوں میں پہنچی اور مایا تہذیب کو بزور طاقت زوال پذیر ہونے پر مجبور کیا گیا۔ مایا اقوام کے صحائف ڈھونڈ ڈھونڈ کر جلائے گئے، ان کی تعمیرات کو نقصان پہنچایا گیا اور ان کی زبان اور مذہبی رسومات کو شیطانی قرار دے دیا گیا۔ مایا تہذیب زوال پذیر ہوئی مگر مایا قوم کی اولادیں آج بھی میسو امریکن علاقوں میں موجود ہیں۔ ان میں سے بہت سارے لوگ ابھی بھی مایا مذہب کی بہت سی رسومات پر عمل کرتے ہیں مگر مایا کے پیچیدہ رسم الخط کو وہ بھول چکے ہیں۔

مکمل تحریر >>>

دنیا کے سات حصے کیوں

دنیا کے سات حصے کیوں
 دنیا کو ماہرین نے سات حصوں میں تقسیم کیا ہے۔ جن کو ہم برِاعظم کہتے ہیں۔ "بر "کا مطلب خشکی ہے ۔ اور اعظم بہت بڑے کو کہتے ہیں ۔ تو براعظم کا مطلب ہوا ۔ خشکی کا بہت بڑا ٹکڑا جس کے اردگرد پانی ہو۔دنیا کو سات براعظموں میں اس لئے تقسیم کیا گیا ہے کہ زمین کا ایک بہت بڑا علاقہ جو عام خیال سے سمندر میں گھرا ہوا ہوتا ہے ، براعظم کہلاتا ہے۔دوسرے لفظوں میں آپ یہ بھی کہہ سکتے ہیں کہ دنیا سات بڑے جزیروں پر مشتمل ہے جس کی وجہ سے دنیا کو سات حصوں میں تقسیم کیا گیا ہے۔ اس تعریف کے مطابق سات براعظم ہیں۔ ایشیا ، یورپ ، افریقہ ، انٹارکٹیکا ، آسٹریلیا ، شمالی امریکہ اور جنوبی امریکہ۔ جبکہ زمین کے چھوٹے چھوٹے جزیروں کو قریب کے بڑے براعظموں میں شمار کرلیا جاتا ہے۔ مگر بہت سے ماہرین کے نزدیک یہ خیال درست نہیں کیونکہ یورپ اور ایشیا روس کے کچھ زمینی راستوں سے جڑے ہوئے ہیں اور یوریشیا کہلاتے ہیں۔ اسی طرح جنوبی امریکہ اور شمالی امریکہ بھی جڑے ہوئے ہیں۔ یہی وجہ ہے کہ بعض ماہرین کے نزدیک براعظموں کی اصل تعداد پانچ ہی سمجھی جاتی ہے۔ یعنی ۔افریقہ ۔ یوریشیا ء۔ امریکہ۔ انٹارکٹکا ۔ آسٹریلیا اگر آپ اولمپک کے نشان یعنی پانچ سرکلز کو دیکھیں تو اس بھی ظاہر ہوتا ہے کہ براعظم پانچ ہی ہیں۔ کیونکہ اولمپک تنظیم کا نشان پانچ براعظموں کے لئے پانچ دائروں پر مشتمل ہے۔ پانچ براعظموں کی نمائندگی کرنے والا اولمپک تنظیم کا نشان رقبے اور آبادی دونوں لحاظ سے سب سے بڑا براعظم یوریشیاء ہے۔ مسلمانوں کی اکثریت ایشیا میں رہتی ہے۔ ساتوں براعظم مل کر زمین کا صرف ایک تہائی بنتے ہیں اور باقی حصہ سمندروں پر مشتمل ہے۔ ویسے تو ہر براعظم پر ایک الگ پوسٹ ہونی چاہئے لیکن یہاں آپ کی دلچسپی کے لئے ان تمام براعظموں کا مختصر جائزہ پیش کررہا ہوں۔ 1۔براعظم ایشیاء ایشیاء دنیا کا سب سے بڑا اور زیادہ آبادی والا براعظم ہے۔ یہ زمین کے کل رقبے کا 8.6 فیصد، کل بری علاقے کا 29.4 فیصد اور کل آبادی کے60 فیصد حصے کا حامل ہے۔ ایشیاء روایتی طور پر یوریشیا کا حصہ ہے جس کا مغربی حصہ یورپ ہے۔ ایشیاء نہر سوئز کے مشرق، کوہ یورال کے مشرق اور کوہ قفقاز یا کوہ قاف ، بحیرہ قزوین اور بحیرہ اسود کے جنوب میں واقع ہے۔قرون وسطیٰ سے قبل یورپی ایشیاء کو براعظم نہیں سمجھتے تھے تاہم قرون وسطیٰ میں یورپ کی نشاۃ ثانیہ کے وقت تین براعظموں کا نظریہ ختم ہوگیا اور ایشیاء کو بطور براعظم تسلیم کر لیا گیا۔ افریقہ اور ایشیا کے درمیان سوئز اور بحیرہ قلزم کو سرحد قرار دیا گیا جبکہ یورپ اور ایشیا کے درمیان سرحد درہ دانیال، بحیرہ مرمرہ، باسفورس، بحیرہ احمر، کوہ قفقاز، بحیرہ قزوین، دریائے یورال اور کوہ یورال سے بحیرہ کارہ تک پہنچتی ہے۔عام طور پر ماہر ارضیات و طبعی جغرافیہ دان ایشیاء اور یورپ کو الگ براعظم تصور نہیں کرتےاور ایک ہی عظیم قطعہ زمین کا حصہ قرار دیتے ہیں۔ 2۔یورپ یورپ (europe) دنیا کے سات روایتی براعظموں میں سے ایک ہے تاہم جغرافیہ دان اسے حقیقی براعظم نہیں سمجھتے اور اسے یوریشیا کا مغربی جزیرہ نما قرار دیتے ہیں۔ اصطلاحی طور پر کوہ یورال کے مغرب میں واقع یوریشیا کا تمام علاقہ یورپ کہلاتا ہے۔یورپ کے شمال میں بحر منجمد شمالی، مغرب میں بحر اوقیانوس، جنوب میں بحیرہ روم اور جنوب مشرق میں بحیرہ روم اور بحیرہ اسود کو ملانے والے آبی راستے اور کوہ قفقاز ہیں۔ مشرق میں کوہ یورال اور بحیرہ قزوین یورپ اور ایشیا کو تقسیم کرتے ہیں۔یورپ رقبے کے لحاظ سے آسٹریلیا کو چھوڑ کر دنیا کا سب سے چھوٹا براعظم ہے جس کا رقبہ ایک کروڑ چالیس لاکھ مربع کلومیٹر ہے جو زمین کے کل رقبے کا صرف دو فیصد بنتا ہے۔ یورپ سے بھی چھوٹا واحد براعظم آسٹریلیا ہے۔ آبادی کے لحاظ سے یہ تیسرا سب سے بڑا براعظم ہے جس کی آبادی 71 کروڑ ہے جو دنیا کی کل آبادی کا 11 فیصد بنتا ہے۔ 3۔افریقہ افریقہ (africa) رقبے کے لحاظ سے کرہ ارض کا دوسرا بڑا بر اعظم، جس کے شمال میں بحیرہ روم، مشرق میں بحر ہند اور مغرب میں بحر اوقیانوس واقع ہے۔ دلکش نظاروں، گھنے جنگلات، وسیع صحراؤں اور گہری وادیوں کی سرزمین جہاں آج 53 ممالک ہیں جن کے باسی کئی زبانیں بولتے ہیں۔افریقہ کے شمالی اور جنوبی حصے نہایت خشک اور گرم ہیں جن کا بیشتر حصہ صحراؤں پر پھیلا ہوا ہے۔ خط استوا کے ارد گرد گھنے جنگلات ہیں۔ مشرقی افریقہ میں عظیم وادی الشق کے نتیجے میں گہری وادیاں تشکیل پائیں جن میں کئی بڑی جھیلیں بھی واقع ہیں۔ مشرق میں عظیم وادی الشق ہے، جو دراصل زمین میں ایک عظیم دراڑ کے نتیجے میں وجود میں آئی۔ یہ عظیم دراڑ جھیل نیاسا سے بحیرہ احمر تک پھیلی ہوئی ہے۔ اگر یہ دراڑ مزید پھیلتی گئی تو ایک دن قرن افریقہ براعظم سے الگ ہو جائے گا۔ براعظم کے مغرب میں دریائے نائجر بہتا ہے جو وسیع دلدلی ڈیلٹا بناتا ہوا بحر اوقیانوس میں جا گرتا ہے۔اس کے مشرق میں دریائے کانگو افریقہ کے گھنے استوائی جنگلات سے گزرتا ہے۔ براعظم کے مشرقی حصے میں عظیم وادی الشق اور ایتھوپیا کے بالائی میدان ہیں۔ قرن افریقہ براعظم کا مشرق کی جانب آخری مقام ہے۔ صحرائے اعظم شمالی افریقہ کے بیشتر حصے پر پھیلا ہوا دنیا کا سب سے بڑا صحرا ہے۔ اس عظیم صحرا کا ایک چوتھائی حصہ ریتیلے ٹیلوں پر مشتمل ہے جبکہ بقیہ پتھریلے خشک میدان ہیں۔ براعظم کے دیگر بڑے صحراؤں میں نمیب اور کالاہاری شامل ہیں۔ صحرائے اعظم پر پوسٹ گزر چکی ہے۔ 4۔انٹارکٹکا انٹار کٹکا پر پوری ایک پوسٹ گزر چکی ہے اس کو بھی آپ ضرور پڑھیں۔ مختصر یہ کہ انٹارکٹکا دنیا کا انتہائی جنوبی براعظم ہے جہاں قطب جنوبی واقع ہے۔ یہ دنیا کا سرد ترین، خشک ترین اور ہوا دار ترین براعظم ہے جبکہ اس کی اوسط بلندی بھی تمام براعظموں سے زیادہ ہے۔ 14.425 ملین مربع کلومیٹر کے ساتھ انٹارکٹکا یورپ اور آسٹریلیا دنیا کا تیسرا سب سے چھوٹا براعظم ہے۔ انٹارکٹکا 98 فیصد برف سے ڈھکا ہوا ہے۔ یہاں کوئی باقاعدہ و مستقل انسانی بستی نہیں۔انٹارکٹکا یونانی لفظ Antarktikos سے نکلا ہے جس کا مطلب ہے آرکٹک کے مدمقابل۔اس براعظم کو پہلی بار روسی جہاز راں میخائل لیزاریف اور فابیان گوٹلیب وون بیلنگشاسن نے 1820ء میں دیکھا۔ 5۔براعظم آسٹریلیا یہ براعظم ملک آسٹریلیا اور قریبی جزائر ریاست تسمانیا (tasmania)، نیو گنی (new guinea)، جزائر ارو(aru islands) اور جزائر راجہ امپت (raja ampat islands) پر مشتمل براعظم ہے۔ اس براعظم کے بڑے شہروں میں سڈنی, ملبورن, برسبین, ایڈیلیڈ, گولڈ کوسٹ, کینبرا, وولونگانگ شامل ہیں۔اس کا کل رقبہ 84 لاکھ 68 ہزار مربع کلومیٹر پر پھیلا ہوا ہے ۔ جو دنیا کا سب سے چھوٹا براعظم ہے۔ 6۔جنوبی امریکہ براعظم جنوبی امریکہ ۔جنوبی امریکہ مغربی نصف کرہ میں واقع ایک براعظم ہے جس کا بیشتر حصہ جنوبی کرہ ارض میں واقع ہے۔ مغرب میں اس براعظم کی سرحدیں بحر الکاہل اور شمال اور مشرق میں بحر اوقیانوس اور شمالی امریکہ اور شمال مغرب میں بحیرہ کیریبیئن سے ملتی ہیں۔ جنوبی امریکہ کا نام شمالی امریکہ کی طرح یورپی جہاز راں امریگو ویسپوچی کے نام پر رکھا گیا جس نے پہلی مرتبہ یہ انکشاف کیا کہ امریکہ دراصل ہندوستان نہیں بلکہ ایک نئی دنیا ہے جسے یورپی نہیں جانتے۔ 7۔شمالی امریکہ شمالی امریکہ دنیا کے 7 براعظموں میں سے ایک براعظم ہے۔ اس براعظم میں کینیڈا اور امریکہ اہم ممالک ہیں۔ اس براعظم کے قدیم باشندوں کو سرخ ہندی( Red Indians ) قوم کے نام سے پکارا جاتا ہے۔ اس قوم کو نوآبادکار یورپیوں نے قتل عام کے بعد تقریباً ختم کردیا تھا

مکمل تحریر >>>

کانِ میر۔ ہیرے کی مائین

کانِ میر۔ ہیرے کی مائین Mir Mine کانِ میر دنیا میں ہیرے کی سب سے بڑی کان ہے۔جو کہ مشرقی سائبیریا روس میں واقع ہے۔ اس کی گہرائی 525 میٹریا 1722 فٹ اور چوڑائی 1200میٹر یا 3900 فٹ ہے۔ جو کہ ایک کلومیٹر سے بھی زائد بنتی ہے۔ یہ دنیا کا دوسرابڑا سوراخ بھی کہلاتا ہے۔ذہن میں رہے کہ دنیا کا سب سے بڑا سوراخ بنگھم کنیون مائین ہے جو کہ کاپر کا بہت بڑا ذخیرہ ہے۔ کانِ میرسائبیریا کے اطراف موجود شہر ’’ڈائمنڈ سٹی‘‘ کہلاتا ہے اور اس میں چلنے والی ہوا کے بگولے اتنے شدید ہوتے ہیں کہ وہ ایک ہیلی کاپٹر کو نگل سکتے ہیں اور اسی وجہ سے ہیلی کاپٹر اس کے اوپر پرواز نہیں کرتے۔ 1722 فٹ گہری اس کان سے دنیا کے 25 فیصد ہیرے نکالے جاتے ہیں۔ تاریخی طور پر اسی کان سے روس نے دوسری عالمی جنگ کے بعد ہونے والا نقصان پورا کرکے اپنی معیشت کو سہارا دیا تھا۔ اگرچہ 2004 میں یہ کان اوپر سے بند کردی گئی تھی لیکن اس میں اب زیرِ زمین کئی سرنگیں کھودی گئی تھیں اور سال 2014 میں ان سے 60 لاکھ قیراط کے خام ہیرے نکالے گئے تھے۔ اب اس کان میں ممکنہ طور پر ہیرے کے کتنے ذخائر ہوسکتے ہیں اس کا اندازہ یوں لگایا گیا ہے اس میں 13 ارب ڈالر کے ہیرے اب بھی موجود ہیں جو پاکستانی روپوں میں 13 کھرب کی غیرمعمولی رقم ہے۔ ماسکو سے 5 ہزار میل دور اس کان کے اوپر اڑنے والے کئی ہیلی کاپٹر حادثے کے بعد تباہ ہوچکے ہیں کیونکہ کان کی ساخت میں ہوا بگولے کی صورت میں چلتی ہے جو ہیلی کاپٹروں کو نیچے کی جانب کھینچ لیتی ہے۔ روسی کمپنی الروسا اس کان کی مالک ہے۔ 2010 میں ایک اور کمپنی نے متروک کان پر شمسی پینل کا ایک گنبد لگا کر ایک لاکھ لوگوں تک بجلی پہنچانے کے منصوبے کا اعلان کیا تھا۔ کان سے اب تک سب سے بڑا ہیرا 130.85 قیراط کا نکالا گیا ہے جو سائز میں گولف کی ایک گیند کے برابر تھا۔ اسے روس کے 3 ارضیات دانوں نے دریافت کیا تھا اور اس دریافت پر انہیں روس کا سب سے بڑا اعزاز ’’لینن انعام‘‘ دیا گیا تھا۔ دوسری جنگِ عظیم کے بعد جوزف اسٹالن نے اسی کان کے ہیروں سے اپنی معیشت بہتر کی تھی اور ملک کی تعمیر کی تھی۔یہ کان مستقل برف میں رہنے والے علاقے میں دریافت کی گئی اور برف ہٹانے کے لیے ڈائنامائٹ کی بڑی مقدار استعمال کی گئی تھی۔

مکمل تحریر >>>

ٹمبکٹو

ٹمبکٹو ٹمبکٹو کا نام سنتے ہی ذہن میں ایک پراسرار، رومانوی اور دیومالائی مقام کا تصور آ جاتا ہے۔بہت سوں کا تو یہ خیال تھا کہ شاید یہ کسی جغرافیائی مقام نہیں بلکہ کوئی داستانوی نام ہے۔ آج اپنے دلچسپ معلومات پیج کے دوستوں کو اس کے بارے کچھ دلچسپ و عجیب بتاتے ہیں۔ یہ افریقی ملک مالی کا اینٹ پتھر سے بنا ہوا شہر ہے جہاں ہماری آپ ہی کی طرح کے انسان رہتے ہیں۔اس علاقے کے افسانوں کا چرچہ 1390ء سے شروع ہوا جب یہاں کے سردار مانسا موسا نے حج کے لیے مکہ کا سفر شروع کیا۔ راستہ میں مصر پہنچنے پر انہوں نے اتنا سونا بانٹا کہ مصر کی کرنسی اپنی قدر کھو بیٹھی۔ اس سے لوگوں میں ٹمبکٹو کے بارے میں افسانے مشہور ہونے شروع ہو گۓ کہ افریقہ کے وسط میں ٹمبکٹو نام کا ایک ایسا شہر بستا ہے جہاں سڑکیں اور مکانوں کی چھتیں تک سونے کی بنی ہوئی ہیں۔ آکسفرڈ ڈکشنری میں ٹمبکٹو کا مطلب لکھا ہوا ہے ایسی جگہ جو بے حد دور افتادہ، دشوار گزار اور دنیا کے دوسرے کونے پر آباد ہو۔ مثال کے طور پر کہا جاتا ہے، ’ارے بھائی، دو ماہ سے تمھارا کوئی اتا پتا نہیں، کہیں ٹمبکٹو تو نہیں چلے گئے تھے؟ انگریزی زبان میں یہ لفظ انیسویں صدی میں ان معنی میں استعمال ہونا شروع ہوا۔ اس کے بعد سے الفریڈ ٹینی سن، ڈی ایچ لارنس اور اگاتھا کرسٹی جیسے مشاہیر نے اسے اپنی تحریروں میں استعمال کیا ہے۔اب سوال یہ پیدا ہوتا ہے کہ آخر ٹمبکٹو کا یہ مطلب کیسے پیدا ہو گیا کیوں کہ دنیا میں اس سے بھی زیادہ دور افتادہ اور دشوار گزار جگہیں موجود ہیں؟ ٹمبکٹو شہر کو 12ویں صدی میں طوارق قوم نے آباد کیا تھا۔ یہ شہر سونے اور نمک کے تجارتی قافلوں کی گزرگاہوں کے سنگم پر واقع تھا، اس لیے کچھ ہی عرصے کے بعد یہ پھلنا پھولنا شروع ہو گیا اور تمام علاقے کا سب سے مالدار اور اہم شہر بن گیا۔اس شہر کی ثروت مندی کے قصے جب یورپ پہنچے تو وہاں کے مہم جوؤں اس تک پہنچنے کے لیے کمربستہ ہو گئے۔ تاہم ٹمبکٹو چوں کہ صحرائے اعظم صحارا کے اندر واقع تھا اس لیے بہت سی مہماتی ٹیمیں یہاں تک پہنچنے میں ناکام رہیں اور صحرا میں بھٹک کر رہ گئیں۔ صحرائے اعظم پر دلچسپ معلومات پیج پر ایک پوسٹ موجود ہے۔ یہ صحرا دنیا کا سب سے بڑا صحرا ہے۔ آکسفرڈ یونیورسٹی کے ایڈیٹر رچرڈ شپیرو کہتے ہیں کہ سب سے پہلے یورپی 1830 میں ٹمبکٹو پہنچے۔ اس سے پہلے یورپ میں صرف اس شہر کا تذکرہ صرف ان مہم جو ٹیموں کے حوالے سے ہوتا تھا جو وہاں پہنچنے میں ناکام رہیں۔1820ء میں لوگ کہتے تھے کہ یہ طرابلس سے 60 دنوں کی مسافت پر واقع ہے جس میں سے چھ دن ایسے بھی آتے ہیں جب پانی دستیاب نہیں ہوتا۔شپیرو کہتے ہیں کہ انگریزوں کا خیال تھا کہ ٹمبکٹو سے انھیں ایسی مال و دولت ملے گی جیسے سپین کو جنوبی امریکہ میں حاصل ہوئی تھی۔ تاہم وہ صدیوں کی کوششوں کے باوجود وہاں پہنچنے میں ناکام رہے اس لیے اس شہر کا مطلب ہی کسی ناقابلِ حصول جگہ کے مترادف ہو گیا۔ ٹمبکٹو وسطی افریقہ میں اسلامی تہذیب کا مرکز رہا ہے۔ یہاں پر جامعہ سنکوری کے نام سے ایک دینی یونیورسٹی قائم تھی جہاں دور دراز سے طلبہ حصولِ علم کے لیے آتے تھے۔ یہاں کی 60 کتب خانوں میں سات لاکھ سے زائد صدیوں پرانی کتب موجود ہیں۔ اس کے علاوہ درجنوں تاریخی عمارات ہیں جن کا طرزِ تعمیر اپنی مثال آپ ہے۔ یونیسکو نے ٹمبکٹو کو عالمی ورثہ قرار دے رکھا ہے۔

مکمل تحریر >>>

اعرابی کے سوالات اور ان کے حکمت بھرے جوابات

اعرابی کے سوالات اور ان کے حکمت بھرے جوابات
 حضرتِ سید نا جلال الدین سیوطی شافعی رحمۃُ اللہِ علیہ لکھتے ہیں : حضرتِ سیدنا ابوالعباس مُسْتَغْفِرِی علیہ رحمہ طلبِ عِلْم کے لئےمصرگئے ، وہاں پرانہوں نے حدیث کے بہت بڑے عالم حضرت سیدنا ابوحامد مصری علیہ رحمہ سے حدیثِ خالد بن ولید(رضی اللہ تعالٰی عنہ)سنانے کی درخواست کی تو انہوں نے مجھے ایک سال کے روزے رکھنے کا حکم فرمایا۔ اُن کے اِس حکم پر عمل کے بعد حضرتِ سیدنا ابوالعباس مُسْتَغْفِرِی علیہ رحمہ دوبارہ حاضرِ خدمت ہوئے تو حضرت سیدنا ابوحامد مصری علیہ رحمہ نے اپنی سند سے حدیثِ خالد بن ولید(رضی اللہ تعالٰی عنہ) سنائی ۔ چنانچہ حضرت سیدنا خالد بن ولید رضی اللہ تعالٰی عنہ سے روایت ہے کہ ایک اَعرابی (یعنی عرب کے دیہاتی) نے بارگاہِ رسالت مآب صلَّی اللہ تعالٰی علیہ واٰلہٖ وسلَّم میں حاضر ی دی اور عرض کی :دنیااورآخرت کے بارے میں کچھ پوچھنا چاہتا ہوں تورسولِ کریم صلَّی اللہ تعالٰی علیہ واٰلہٖ وسلَّم نے ارشاد فرمایا:پوچھو! جو پوچھنا چاہتے ہو۔ آنے والے نے عرض کی:میں سب سے بڑا عالم بننا چاہتا ہوں۔ پیارے آقا صلَّی اللہ تعالٰی علیہ واٰلہٖ وسلَّم نے ارشادفرمایا:اللہ سے ڈرو،سب سے بڑے عالم بن جاؤ گے ۔ عرض کی : میں سب سے زیادہ غنی بننا چاہتا ہوں۔ ارشادفرمایا:قناعت اِختیا ر کرو، غنی ہوجاؤ گے۔ عرض کی : میں لوگوں میں سب سے بہتر بننا چاہتا ہوں۔ ارشادفرمایا:لوگوں میں سب سے بہتر وہ ہے جو دوسروں کو نفع پہنچاتا ہو ،تم لوگوں کے لئے نفع بخش بن جاؤ۔ عرض کی : میں چاہتا ہوں کہ سب سے زیادہ عدل کرنے والا بن جاؤں۔ ارشادفرمایا:جو اپنے لئے پسند کرتے ہو وہی دوسروں کےلئے بھی پسند کرو، سب سے زیادہ عادِل بن جاؤ گے۔ عرض کی : میں بار گاہِ الٰہی میں خاص مقام حاصل کرنا چاہتا ہوں۔ ارشادفرمایا:ذکرُ اللہ کی کثرت کرو،اللہ تعالیٰ کے خاص بندے بن جاؤ گے ۔ عرض کی: اچھا اور نیک بننا چاہتا ہوں۔ ارشادفرمایا:اللہ تعالیٰ کی عبادت یوں کرو گویا تم اسے دیکھ رہے ہواور اگر تم اسے نہیں دیکھ رہے تو وہ تو تمہیں دیکھ ہی رہا ہے۔ عرض کی: میں کامِل ایمان والا بننا چاہتا ہوں۔ ارشادفرمایا:اپنے اخلاق اچھے کر لو،کامل ایمان والے بن جاؤ گے۔ عرض کی: (اللہ تعالیٰ کا) فرمانبردار بننا چاہتا ہوں۔ ارشادفرمایا:اللہ تعالیٰ کے فرائض کا اہتمام کرو،اس کے مُطِیع( وفرمانبردار) بن جاؤ گے۔ عرض کی: (روزقیامت) گناہوں سے پاک ہوکر اللہ تعالیٰ سے ملنا چاہتا ہوں۔ ارشادفرمایا: غسلِ جنابت خوب اچھی طرح کا کرو،اللہ تعالیٰ سے اس حال میں ملو گے کہ تم پر کوئی گناہ نہ ہوگا۔ عرض کی: میں چاہتا ہوں کہ روزِ قیامت میرا حشر نوروالوں میں ہو۔ ارشادفرمایا:کسی پر ظُلْم مت کرو،تمہارا حَشْر نُور والوں میں ہوگا۔ عرض کی: میں چاہتا ہوں کہ اللہ تعالیٰ مجھ پر رحم فرمائے۔ ارشادفرمایا:اپنی جان پر اور مخلوقِ خدا پر رحم کرو ،اللہ تعالیٰ تم پر رحم فرمائے گا۔ عرض کی:گناہوں میں کمی چاہتا ہوں۔ ارشادفرمایا: اِستغفار کرو،گناہوں میں کمی ہوگی۔ عرض کی: زیادہ عزت والا بننا چاہتا ہوں۔ ارشادفرمایا:لوگوں کے سامنے اللہ تعالیٰ کے بارے میں شکوہ وشکایت مت کرو،سب سے زیادہ عزت دار بن جاؤ گے۔ عرض کی:رِزْق میں کشادگی چاہتا ہوں۔ ارشادفرمایا:ہمیشہ باوضو رہو،تمہارے رزق میں فراخی آئے گی ۔ عرض کی:اللہ و رسول کا محبوب بننا چاہتا ہوں۔ ارشادفرمایا:اللہ ورسول کی محبوب چیزوں کو محبوب اور ناپسند چیزوں کو ناپسند رکھو۔ عرض کی:اللہ تعالیٰ کی ناراضی سے امان کا طلب گار ہوں۔ ارشادفرمایا:کسی پر غصہ مت کرو،اللہ تعالیٰ کی ناراضی سے امان پاجاؤ گے۔ عرض کی:دعاؤں کی قبولیت چاہتا ہوں۔ ارشادفرمایا:حرام سے بچو،تمہاری دعائیں قبول ہوں گی۔ عرض کی: چاہتا ہوں کہ اللہ عَزَّوَجَلَّ مجھے لوگوں کے سامنے رُسوا نہ فرمائے۔ ارشادفرمایا:اپنی شرم گاہ کی حفاظت کرو ،لوگوں کے سامنے رُسوا نہ ہوگے۔ عرض کی:چاہتا ہوں کہ اللہ تعالیٰ میری پردہ پوشی فرمائے۔ ارشادفرمایا: اپنے مسلمان بھائیو کے عیب چھپاؤ،اللہ عَزَّوَجَلَّ تمہاری پردہ پوشی فرمائے گا۔ عرض کی: کون سی چیز مرے گناہوں کو مٹاسکتی ہے؟ ارشادفرمایا:آنسو، عاجزی اور بیماری ۔ عرض کی: کون سی چیز اللہ عزوجل کے نزدیک سب سے افضل ہے؟ ارشادفرمایا:اچھے اخلاق،تواضُع، مصائب پر صبر اور تقدیر پر راضی رہنا۔ عرض کی:سب سے بڑی برائی کار ہے؟ کون سی برائی اللہ عزوجل کے نزدیک سب سے بڑی ہے؟ ارشادفرمایا:برے اخلاق اور بُخْل یعنی کنجوسی ۔ عرض کی:اللہ تعالیٰ کے غَضَب کو کون سی چیز ٹھنڈا کرتی ہے ؟ ارشادفرمایا:چپکے چپکے صدقہ کرنااور صِلہ رحمی۔ عرض کی:کونسی چیز دوزخ کی آگ کو بجھاتی ہے؟ ارشادفرمایا:روزہ۔ (جامع الاحادیث ،۱۹/۴۰۵ ، حدیث : ۱۴۹۲۲) سبحان اللہ کتنے حکمت بھرے اقوال ہیں ہمارے نبی کریم صلی اللہ تعالی علیہ والہ وسلم کی شان ہی نرالی ہے۔ گویا کہ دریا کو کوزے میں بند کردیا۔ اس حدیث کے راوی حضرتِ سد نا ابوالعباس مُسْتَغْفِرِی علیہ رحمہ کا شوقِ علم کے بھی کیا کہنے ۔ کہ ایک حدیث سننے کے لئے اتنا طویل سفر اختیار کیا اور پھر ایک سال کے روزے بھی رکھ لئے۔اس میں اُن مسلمان بھائیوں کے لئے دَرْس ہے جوفی زمانہ آسان مواقع میسر ہونے کے باوجود علمِ دین سکھنےُ سے جی چُراتے ہیں۔ اللہ تعالیٰ ان باتوں پر عمل کی توفیق عطاء کرے۔ آمین

مکمل تحریر >>>

طلاق کی دلچسپ رسومات اور عجیب و غریب قوانین

طلاق کی دلچسپ رسومات اور عجیب و غریب قوانین آپ دوستوں نے دلچسپ معلومات پیج پر شادی کے موقع پر ادا کی جانے والی عجیب و غریب رسومات تو پڑھی ہوں گی۔ لیکن دنیا میں چند ایک مقامات ایسے بھی ہیں، جہاں شادی کی ناکامی یعنی طلاق کے موقع پر بھی مذہبی رسومات ادا کرنے کی روایت موجود ہے اور یہی نہیں بلکہ دنیا کے کئی ممالک میں تو طلاق سے متعلق عجیب وغریب قوانین بھی موجود ہیں۔ آج اپنے دلچسپ معلومات پیج کے دوستوں وائس آف امریکہ کے آرٹیکل سے ماخوذ ان مذہبی رسومات اور عجیب و غریب قوانین کے بارے میں بتاتے ہیں۔ مندر میں طلاق کا ٹوائلٹ: جاپان میں ایک ایسا مندر واقع ہے، جو اپنے زائرین کو ناکام شادی ٹوائلٹ میں بہانے کی پیشکش کرتا ہے۔ وسطی جاپان کے صوبے گونما میں 'منٹو کوجی ٹیمپل ' ازدواجی تعلقات سے چھٹکارا حاصل کرنے والے جوڑوں کو ایک کاغذ پر تمام گلے شکوے لکھنے اور طلاق کی وجوہات بیان کرنے کا موقع فراہم کرتا ہے، جسے بعد میں فلیش میں بہا دیا جاتا ہے. جرمنی کے ایک چرچ میں طلاق پر ماتم کی رسم: یہ 2000ء کی بات ہے جب جرمنی میں ایک پادری مارگوٹ کائسمین نے ملک کے تمام گرجا گھروں میں طلاق کے موقع پر ماتم کی رسم ادا کرنے کی تجویز پیش کی۔ جس کے بعد ان کی تجویز پر گرجا گھروں میں طلاق کے موقع پر بڑے پیمانے پر ماتم کی رسم ادا کی گئی ان تقریبات میں دونوں فریقین دوستوں اور رشتہ داروں کو اپنی شادی کی ناکامی کی وجوہات سے آگاہ کرتے ہیں۔ طلاق کا سرٹیفیکٹ منحوس: جینگ افراد چین سے تعلق رکھنے والی ایک اقلیتی نسل کے افراد ہیں، جن کے ہاں طلاق کا ایک مخصوص طریقہ ہے، جس کے مطابق طلاق کے سرٹیفیکٹ پر دستخط گھر کے اندر نہیں کیا جاسکتا ہے اور دستخط کرنے کے فوراً بعد قلم اور دوات کو برا شگن سمجھ کر دور پھینک دیا جاتا ہے۔ محبت نامے سات برس بعد ارسال : 2011ء میں چین میں ایک سرکاری ڈاک خانے کی طرف سے ایک ایسی مہم چلائی گئی، جس میں شادی شدہ جوڑوں کو ایک محبت نامہ لکھنے کی ترغیب دی گئی، جسے شادی کے سات برس بعد شریک حیات کو ارسال کیا جائے گا، اس اقدام کا مقصد دراصل ملک میں طلاق کی شرح کو کم کرنا تھا تاکہ سات برس بعد محبت نامہ پانے والے میاں بیوی ایک بار پھر سے اس محبت کو یاد کر سکیں جس نے انھیں ملایا تھا۔ طلاق کے عجیب وغریب قوانین : دنیا کے کئی ممالک میں طلاق کے ایسے عجیب و غریب قوانین موجود ہیں جہاں طلاق حاصل کرنا ایک ناقابل یقین تجربہ ثابت ہوتا ہے۔ دنیا میں فلپائن واحد ملک ہے، جس کا قانون آج بھی اپنے شہریوں کو طلاق کی اجازت نہیں دیتا ہے۔ تاہم اے بی سی نیوز کی ایک رپورٹ سے پتا چلتا ہے کہ 1985ء سے 2000ء کے درمیان جاپان میں طلاق کی شرح سب سے زیادہ تھی۔ اس کی وجوہات سے پتا چلتا ہے کہ 2006ء میں جاپانی جوڑوں میں شادی کے بیس برس بعد طلاق لینے کا رواج زیادہ عام ہو گیا تھا۔ ماہرین کا کہنا تھا کہ یہ ریٹائرڈ ہسبنڈ سینڈروم کی وجہ سے تھا یعنی ایسے شوہروں کی وجہ سے جو روزگار کے لیے ملک سے باہر رہتے ہیں اور اپنی بیوی کو زیادہ نہیں جانتے ہیں لیکن ریٹائرمنٹ کے بعد انھیں اپنی بیوی میں ہر طرح کے عیب نظر آتے ہیں۔ طلاق کے لیے تیسرے فریق پر ہرجانہ: ریاست ہائے متحدہ امریکہ کی سات ریاستوں جن میں ریاست نیو میکسیکو اور مسیسپی شامل ہیں، شادی کی ناکامی کی وجہ ایک تیسرے فریق کو ٹھہرایا جا سکتا ہے اور شادی خراب کرنے والے تیسرے شخص پر شادی کے نقصان کے لیے بھاری رقم کا ہرجانہ دائر کیا جا سکتا ہے، تاہم اس الزام کو ثابت کرنے کے لیے ثبوت کی ضرورت پڑتی ہے۔ ساس سے برا سلوک طلاق کی وجہ نہیں ہو سکتا: امریکی ریاست کنساس میں شادی کو طویل مدت تک قائم رکھنے کے لیے طلاق کا ایک ایسا قانون موجود ہے۔ جس کے تحت دونوں فریق کو اس بات کی اجازت نہیں ہےکہ وہ ساس کے ساتھ بدسلوکی یا برے تعلقات رکھنے پر ایک دوسرے کو طلاق دے سکیں۔ ہنسی مذاق میں شادی کرنے والوں کو طلاق کی اجازت : امریکی ریاست ڈیلاوئیر میں طلاق کے لیے ایک ایسا قانون موجود ہے جس کے تحت اگر ایک شخص ہنسی مذاق یا شرط نبھانے کے لیے شادی کر لیتا ہے تو، اسے بعد میں طلاق کا مقدمہ دائر کرنے کی اجازت ہے جبکہ اس قانون سے ہنسی مذاق میں شادی کرنے والوں کی حوصلہ افزائی ہوتی ہے۔ شادی پر ایک دوسری شادی سے طلاق: آسٹریلیا میں قبائلی خواتین کو یہ حق حاصل ہے کہ وہ یا تو اپنے شوہر کو طلاق دینے کے لیے آمادہ کریں یا پھر شادی سے چھٹکارا پانے کے لیے ایک دوسری شادی کر لیں اس طرح ان کی پہلی شادی خود بخود منسوخ ہو جاتی ہے۔ ایک ہی شخص سے چوتھی بار شادی کی اجازت نہیں : امریکی ریاست کینٹکی میں اس بات کی اجازت ہے کہ آپ ایک ہی شخص سے طلاق کے بعد تین بار شادی کر سکتے ہیں لیکن چوتھی بار اسی شخص سے شادی کرنے کی اجازت آپ کو ریاست کا قانون نہیں دیتا ہے۔ زہر دے کر مارنے پر طلاق منظور : امریکی ریاست ٹینسی میں اگر آپ کا شریک حیات آپ کو جان سے مارنے کے لیے کوئی حربہ مثلاً زہر پلانےکی کوشش کرتا ہے تو اس بنیاد پر آپ کی طلاق منظور ہو سکتی ہے۔ شوہر کی دماغی حالت کی خرابی پر طلاق: نیو یارک میں اگر آپ یہ ثابت کر سکیں کہ آپ کے شریک حیات کی دماغی حالت ٹھیک نہیں ہے تو آپ کو طلاق مل سکتی ہے لیکن اس کے لیے ضروری ہے کہ آپ شادی کے دوران شریک حیات کی دماغی حالت کم از کم پانچ سالوں سے خراب رہی ہو۔ شریک حیات کے عیب کے بغیر طلاق ناممکن: برطانیہ میں طلاق حاصل کرنے کے لیے ضروری ہے کہ شریک حیات کی حد درجہ برائیوں کا ذکر کیا جائے صرف ذاتی ناپسندیدگی کی بنیاد پر طلاق منظور نہیں کی جاتی ہے یہی وجہ ہے کہ برطانیہ میں جوڑے طلاق کے لیے شریک حیات میں عجیب وغریب عیب تلاش کرتے ہیں، جیسا کہ ایک شوہر نے طلاق کے مقدمے میں کہا کہ وہ اپنی بیوی کو اس لیے طلاق دینا چاہتا ہے کیونکہ وہ ہر روز مچھلی پکاتی ہے۔ (وائس آف امریکہ اردو کے آرٹیکل سے اقتباس)

مکمل تحریر >>>

موت سے فرار ممکن نہیں

موت سے فرار ممکن نہیں یہ تحریر میرے پیج کی ایک دوست ہاشوعبدالرحمن نے بھیجی ہے۔ کافی فکر انگیز تحریر ہے اس میں کچھ ردوبدل کے ساتھ اپنے دلچسپ معلومات پیج کے دوستوں سے شئیر کررہا ہوں۔ اس نے امریکہ اور یورپ کے 55 چوٹی کے پلاسٹک سرجنز کی خدمات حاصل کیں یہاں تک کہ 1987ء تک مائیکل جیکسن کی ساری شکل وصورت‘ جلد‘ نقوش اور حرکات و سکنات بدل گئیں۔ سیاہ فام مائیکل جیکسن کی جگہ گورا چٹا اورنسوانی نقوش کا مالک ایک خوبصورت مائیکل جیکسن دنیا کے سامنے آ گیا۔ اس نے 1987ء میں بیڈ کے نام سے اپنی تیسری البم جاری کی‘ یہ گورے مائیکل جیکسن کی پہلی البم تھی‘ یہ البم بھی کامیاب ہوئی اور اس کی تین کروڑ کاپیاں فروخت ہوئیں۔ اس البم کے بعد اس نے اپنا پہلا سولو ٹور شروع کیا۔ وہ ملکوں ملکوں ‘ شہر شہرگیا ‘ موسیقی کے شو کئے اوران شوز سے کروڑوں ڈالر کمائے۔ یوں اس نے اپنی سیاہ رنگت کو بھی شکست دے دی۔ اس کے بعد ماضی کی باری آئی ‘ مائیکل جیکسن نے اپنے ماضی سے بھاگنا شروع کر دیا‘ اس نے اپنے خاندان سے قطع تعلق کر لیا۔ اس نے اپنے ایڈریسز تبدیل کر لئے‘ اس نے کرائے پر گورے ماں باپ بھی حاصل کر لئے اور اس نے اپنے تمام پرانے دوستوں سے بھی جان چھڑا لی۔ ان تمام اقدامات کے دوران جہاں وہ اکیلا ہوتا چلا گیا وہاں وہ مصنوعی زندگی کے گرداب میں بھی پھنس گیا۔ اس نے خود کو مشہور کرنے کیلئے ایلوس پریسلے کی بیٹی لیزا میری پریسلے سے شادی بھی کر لی۔ اس نے یورپ میں اپنے بڑے بڑے مجسمے بھی لگوا دئیے اور اس نے مصنوعی طریقہ تولید کے ذریعے ایک نرس ڈیبی رو سے اپنا پہلا بیٹا پرنس مائیکل بھی پیدا کرا لیا۔ ڈیبی رو کے بطن سے اس کی بیٹی پیرس مائیکل بھی پیدا ہوئی۔اس کی یہ کوشش بھی کامیاب ہوگئی‘ اس نے بڑی حد تک اپنے ماضی سے بھی جان چھڑا لی لہٰذا اب اس کی آخری نفرت یا خواہش کی باری تھی۔ وہ ڈیڑھ سو سال تک زندہ رہنا چاہتا تھا۔ مائیکل جیکسن طویل عمر پانے کیلئے دلچسپ حرکتیں کرتاتھا‘ مثلاً وہ رات کو آکسیجن ٹینٹ میں سوتا تھا‘ وہ جراثیم‘ وائرس اور بیماریوں کے اثرات سے بچنے کیلئے دستانے پہن کر لوگوں سے ہاتھ ملاتا تھا۔ وہ لوگوں میں جانے سے پہلے منہ پر ماسک چڑھا لیتا تھا۔ وہ مخصوص خوراک کھاتا تھا اور اس نے مستقل طور پر بارہ ڈاکٹر ملازم رکھے ہوئے تھے۔ یہ ڈاکٹر روزانہ اس کے جسم کے ایک ایک حصے کا معائنہ کرتے تھے‘ اس کی خوراک کا روزانہ لیبارٹری ٹیسٹ بھی ہوتا تھا اور اس کا سٹاف اسے روزانہ ورزش بھی کراتا تھا‘ اس نے اپنے لئے فالتو پھیپھڑوں‘ گردوں‘ آنکھوں‘ دل اور جگر کا بندوبست بھی کر رکھا تھا‘ یہ ڈونر تھے جن کے تمام اخراجات وہ اٹھا رہا تھا اور ان ڈونرز نے بوقت ضرورت اپنے اعضاء اسے عطیہ کر دینا تھے چنانچہ اسے یقین تھا وہ ڈیڑھ سو سال تک زندہ رہے گا لیکن پھر 25جون کی رات آئی ‘ اسے سانس لینے میں دشواری پیش آئی‘ اس کے ڈاکٹرز نے ملک بھر کے سینئرڈاکٹرز کو اس کی رہائش گاہ پرجمع کر لیا‘یہ ڈاکٹرز اسے موت سے بچانے کیلئے کوشش کرتے رہے لیکن ناکام ہوئے تو یہ اسے ہسپتال لے گئے اور وہ شخص جس نے ڈیڑھ سو سال کی منصوبہ بندی کر رکھی تھی‘ جو ننگےپاؤں زمین پر نہیں چلتا تھا‘ جو کسی سے ہاتھ ملانے سے پہلے دستانے چڑھا لیتا تھا‘ جس کے گھر میں روزانہ جراثیم کش ادویات چھڑکی جاتی تھیں اور جس نے 25برس تک کوئی ایسی چیز نہیں کھائی تھی جس سے ڈاکٹروں نے اسے منع کیا تھا۔ وہ شخص 50سال کی عمر میں صرف تیس منٹ میں انتقال کر گیا۔ اس کی روح چٹکی کے دورانیے میں جسم سے پرواز کر گئی۔ مائیکل جیکسن کے انتقال کی خبر گوگل پر دس منٹ میں لاکھوں لوگوں نے پڑھی‘ یہ گوگل کی تاریخ کا سب سے بڑا ٹریفک ریکارڈ تھا اور اس ہیوی ٹریفک کی وجہ سے گوگل کا سسٹم بیٹھ گیا اور کمپنی کو 25منٹ تک اپنے صارفین سے معذرت کرنا پڑی۔ مائیکل جیکسن کا پوسٹ مارٹم ہوا تو پتہ چلا احتیاط کی وجہ سے اس کا جسم ڈھانچہ بن چکا تھا‘ وہ سر سے گنجا تھا‘ اس کی پسلیاں ٹوٹی ہوئی تھیں‘ اس کے کولہے‘ کندھے‘ پسلیوں اور ٹانگوں پر سوئیوں کے بے تحاشا نشان تھے۔ وہ پلاسٹک سرجری کی وجہ سے ’’پین کلرز‘‘ کا محتاج ہو چکا تھا چنانچہ وہ روزانہ درجنوں انجیکشن لگواتا تھا لیکن یہ انجیکشنز‘ یہ احتیاط اور یہ ڈاکٹرز بھی اسے موت سے نہیں بچا سکے اور وہ ایک دن چپ چاپ اُس جہان شفٹ ہو گیا جس میں ہر زندہ شخص نے پہنچنا ہے اور یوں اس کی آخری خواہش پوری نہ ہو سکی۔ مائیکل جیکسن کی موت ایک اعلان ہے‘ انسان پوری دنیا کو فتح کر سکتا ہے لیکن وہ اپنے مقدر کو شکست نہیں دے سکتا۔ وہ موت اور اس موت کو لکھنے والے کا مقابلہ نہیں کر سکتا چنانچہ کوئی راک سٹار ہو یا کوئی فرعون دو ٹن مٹی کے بوجھ سے نہیں بچ سکتا۔ وہ قبر کو شکست نہیں دے سکتا لیکن حیرت ہے ہم مائیکل جیکسن کے انجام کے بعد بھی خود کو فولاد کا انسان سمجھ رہے ہیں۔ ہمارا خیال ہے ہم موت کو دھوکہ دے دیں گے‘ ہم ڈیڑھ سو سال تک ضرور زندہ رہیں گے ۔ ایسا کبھی نہیں ہوگا۔ آخر ہمیں مرنا ہی ہوگا۔ اور اس نہ ختم ہونے والی زندگی کی تیاری کرنی ہوگی۔ اس لئے اپنے پروردگار کی طرف متوجہ ہوں اور لوگوں کے ساتھ گھل مل کررہو ۔ ان کے دکھ درد کے ساتھی بنو۔ لوگوں کے لئے خوشیوں کا سامان کرو ۔ اللہ تمہارے لئے خوشیاں اور آسانیاں پیدا کرے گا۔کسی کے دل میں خوشی داخل کرنا اللہ کا پسندیدہ عمل ہے۔ غریبوں مسکینوں کی غم گساری کرتے رہو۔ اللہ بری موت سے بچائے گا۔ اور آخرت میں اجر عظیم عطاء کرے گا۔ ویسے بھی موت سے فرار ناممکن ہے۔ اللہ تعالی کا ارشاد پاک ہے اے آدمی بے شک تجھے اپنے رب کی طر ف ضرور لوٹنا ہے۔ (پ 30، الانشقاق:6) دِلا غافل نہ ہویکدم یہ دنامچھوڑجاناہے باغچے۔ چھوڑکر خالی زمںر اندر سمانا ہے ترانازک بدن بھائی جولٹےہ سجن پھولوں پر یہ ہوگاایک دن بے جاں اسے کڑموں نے کھاناہے تواپنی موت کو مت بھول کرسامان چلنے کا زمںں کی خاک پرسوناہے اینٹوں کاسرہاناہے نہ بییک ہوسکے بھائی نہ بٹاپباپ تے مائی توکوخں پھرتاہے سودائی عمل نے کام آناہے کہاں ہے زورِنمرودی کہاں ہے تختِ فرعونی گئے سب چھوڑیہ فانی اگرنادان داناہے عزیزایادکرجس دن کہ عزرائلع آئںم گے نہ جاوے کوئی تررے سنگ اکیلاتونے جاناہے جہاں کے شغل مںر شاغل خداکے ذکرسے غافل کرے دعوی کہ یہ دناںمرنادائم ٹھکانا ہے غلام اک دم نہ کرغفلت حااتی پرنہ ہوغرّہ خداکی یادکرہردم کہ جس نے کام آناہے

مکمل تحریر >>>

زمین سے وابستہ کچھ دلچسپ باتیں

زمین سے وابستہ کچھ دلچسپ باتیں
ہماری زمین گلیکسی کا سب سے منفرد سیارہ ہے جہاں ہم بستے ہیں اس زمین سے وابستہ کچھ دلچسپ حقائق بھی ہیں۔ ہمارے سائنسدان کئی صدیوں سے زمین پر تحقیق کرتے چلے آرہے ہیں جس کے نتیجے میں آئے روز کوئی نہ کوئی نیا انکشاف سامنے آتا ہے- آج میں اپنے دلچسپ معلومات پیج کے دوستوں کو کچھ ایسے ہی زمین سے متعلق حقائق آپ کے سامنے رکھ رہا ہوں امید ہے کہ یہ معلومات آپ کے علم میں اضافے کا باعث بنے گی۔ 1۔زمین پر پائے جانے والے 90 فیصد آتش فشاں سمندر کے نیچے پائے جاتے ہیں- 2۔ زمین پر موجود سب سے خشک ترین مقام انٹارٹیکا کی ڈرائی ویلی ہے جہاں پر گزشتہ 2 ملین سالوں سے بارش نہیں ہوئی- 3۔ سائنس دانوں کے مطابق ننانوےفیصد سونا زمین کے مرکز میں پایا جاتا ہے- جہاں ہمارے رسائی فی الحال ناممکن ہے۔ ہاں حدیث کے مطابق قیامت سے پہلے یہ زمین اپنے خزانے اگل دے گی۔ 4۔ زمین نظامِ شمسی کا وہ واحد سیارہ ہے جو tectonics پلیٹس کے ساتھ موجود ہے- سائنس دانوں کے مطابق اگر یہ پلیٹس نہ ہوتیں تو زمین انتہائی گرم ہوتی۔ جیسے کہ وینس سیارہ جس میں یہ پلیٹس موجود نہیں- 5۔ زمین پر پایا جانے والا ستانوے فیصد پانی نمکین ہے- جو کہ پینے کے قابل نہیں۔ 6۔ باقی بچ جانے والے 3 فیصد پانی کے حصے میں سے دو تہائی حصہ برفانی چوٹیوں سے ڈھکا ہوا ہے- 7۔ اس کے بعد بچ جانے والا زیادہ تر پانی زمین سے اس حد تک نیچے ہے کہ وہاں تک رسائی ناممکن ہے- تو معلوم ہوا کہ زمین پر پایا جانا والا پینے کے قابل پانی نہایت ہی کم ہے۔ پھر بھی اللہ تعالی ہمیں ہماری ضرورت کے مطابق پینے کا پانی عطاء کررہا ہے۔ اس نعمت پر ہمیں اللہ کا شکر ادا کرتے رہنا چاہیئے۔ 8۔ اگر زمین کے مدار سے باہر نکل کر دیکھا جائے تو سب سے زیادہ چمکنے والا سیارہ زمین ہی ہے کیونکہ سورج کی روشنی زمین پر پائے جانے والے پانی پر جب پڑتی ہے تو یہ سیارہ نہایت ہی روشن نظر آتا ہے۔ 9۔ زمین کی دور سے کھینچی جانے والی تصویر کا فاصلہ 3.7 بلین میل تھا- اور اس تصویر کو The Pale Blue Dot کہا جاتا ہے- 10۔ اوزون کا سوراخ سکڑ رہا ہے اور 2012 میں گزشتہ دہائی کے مقابلے میں یہ سوراخ مزید چھوٹا ہوگیا تھا- 11- دنیا کا نوے فیصد کچرا سمندر میں پایا جاتا ہے اور وہ پلاسٹک پر مشتمل ہوتا ہے- 12- زمین پر موجود 95 فیصد سمندری علاقہ تاحال غیر دریافت شدہ ہے- 13- ہماری گلیکسی میں یہ واحد سیارہ ہے جہاں 21 فیصد آکسیجن موجود ہے۔ 14- اسی طرح زمین ہی واحد سیارہ ہے جہاں پانی موجود ہے۔ 15- اسی طرح گلیکسی میں یہ واحد سیارہ ہے جہاں زندگی کا وجود ہے۔ 16- ہماری زمین کا صرف ایک ہی چاند ہے۔ جبکہ سائنس دانوں کے مطابق ہماری گلیکسی میں کم از کم 27 چاند اور بھی ہیں۔ 17۔ تکنیکی اعتبار سے ایک دن میں 24 گھنٹے نہیں ہوتے۔ کیونکہ سورج زمین کے گرد اپنا چکر پورا کرنے میں 23 گھنٹے 56 منٹ اور 4 سیکنڈ لگاتا ہے۔ (یہاں میں نے سورج کی گردش کا ذکر کیا ہے۔ کیونکہ اسلامی نقطہ نظر سے سورج کی حرکت کی وجہ سے ہی دن رات گرمی سردی کا ظہور ہوتا ہے۔ نہ کہ زمین کی حرکت کی وجہ سے۔ زمین کی حرکت کا نظریہ سب سے پہلے گلیلیو گلیلی نے 1615ء میں پیش کیا۔جس پر اس وقت کے بہت سے لوگوں نے اعتراض بھی کیاتھا۔ اور آج تک اعتراضات موجود ہیں۔ کیونکہ یہ نظریہ بائیبل کے سراسر خلاف تھا۔ اور اس نظریے کے گھڑنے کی وجہ سے چرچ نے اس سائنس دان کو بہت سخت سزائیں بھی تھیں۔ لیکن بعد میں اسی نظریے کو سائنس دانوں نے قبول کرلیا ۔جو آج تک قائم ہے۔یعنی آپ یہ کہہ سکتے ہیں کہ زمین کی حرکت کا نظریہ 1615ء سے پہلے کسی نے بھی باقاعدہ طور پر پیش نہیں کیاتھا۔ صحابہ میں سے حضرت سیدنا حذیفہ بن یمان اور حضرت عبداللہ ابن مسعود رضی اللہ تعالی عنہم کے سامنے بھی جب یہ مسلہ پیش ہوا کہ حضرت کعب کہتے ہیں کہ آسمان گھوم رہا ہے تو انہوں نے کہا کعب نے جھوٹ بولا اور قرآن پاک کی وہ آیت پڑھی جس میں ذکر ہے کہ آسمان اور زمین کو اللہ روکے ہوئے ہے کہ حرکت نہ کریں۔یعنی مسلہ آسمان کی حرکت کے بارے پوچھا جارہا تھا۔ اور آپ دونوں حضرات نے فرمایا کہ نہ آسمان حرکت کرتا ہے اور نہ ہی زمین۔ بہرحال اس پر میں پوسٹ کرچکا ہوں۔ اس میں قرآن پاک اور تفاسیر کے حوالے سے بتا چکا ہوں کہ زمین حرکت نہیں کرتی۔) 18۔ سائنس دانوں کے نظریے کے مطابق زمین دوطرح سے گھوم رہی ہے ۔اپنےگرد اور سورج کےگرد ۔اپنے گرد465.1 میڑ فی سکینڈ (یا 1674.4 کلومیٹر فی گھنٹہ) کی رفتار سے گھوم رہی ہے ۔ اور سورج کے گرد 29.8 کلو میڑ فی سکینڈ (یا 107300کلومیٹر فی گھنٹہ) کی انتہائی تیز سپیڈ سے گھوم رہی ہے۔ یہ بات بھی عقل کے ترازو پر پوری اترتی نظر نہیں آتی۔ بہت سے ناقدین اس نظریہ پر بھی اعترضات کرتے آئے ہیں۔ جیسے بعض ناقدین کہتے ہیں کہ اگر زمین واقعی تقریبا 30 کلومیٹر فی سکینڈ کی انتہائی تیزرفتاری سے گھوم رہی ہے تو پرندےہوا میں اڑنے کے بعد اپنی جگہ پر کیسے واپس آسکتے ہیں۔ وغیرہ وغیرہ ذہن میں رہے کہ آج کے دور میں بھی زمین کی حرکت کے متعلق سائنس دانوں کے درمیان اختلاف پایا جاتا ہے۔ جو آپ انٹرنیٹ پر سرچ کرسکتے ہیں۔ (زمین کے ساکن ہونے کے بارے میں میرا تحقیقی مقالہ اسی پیج پر پڑھیں) مجھے تو کشش ثقل اور بیگ بینگ تھیوری میں بھی کوئی وزن دیکھائی نہیں دیتا۔ کیونکہ ان کو بھی کسی سائنٹیفک طریقے سے ثابت نہیں کیا جا سکا۔ اب سنا ہے کہ ایک پاکستانی نژاد خاتون نے کشش ثقل (گرویٹی) کی لہروں کو ڈھونڈ لیا ہے۔ جس کو میڈیا نے بڑی کامیابی قرار دیا ہے۔ یہ تو کچھ عرصہ بعد مزید سائنس دانوں کی تحقیق سے ہی بات واضح ہوگی۔ کیونکہ انٹرنیٹ پر کئی مضامین موجود ہیں جن میں بعض ناقدین گرویٹی کی موجودگی کا انکار کرتے نظر آتے ہیں۔

مکمل تحریر >>>